
Ficcion Producciones beneficiaria do fondo do Hub Audiovisual da Unión Europa a través do fondo FEDER
Ficcion Produciones convértese na primeira beneficiaria da segunda quenda do fondo para a atracción de rodaxes do Hub Audiovisual da Industria Cultural, un dos grandes programas culturais da Xunta para o trienio 2021-2023, conseguindo 350.000 euros para a filmación da segunda tempada de Operación Marea Negra. Esta liña de axudas busca actuar como incentivo para converter Galicia nun escenario habitual de producións cinematográficas e televisivas. Compromiso de gasto na Comunidade A concesión destas subvencións para o fomento e a promoción de rodaxes audiovisuais que favorezan a recuperación económica do sector comporta un compromiso de gasto mínimo en Galicia por parte das beneficiarias, cun importante retorno económico nas áreas nas que levan a cabo as rodaxes. No caso de Operación Marea Negra 2, o gasto estimado na nosa Comunidade elévase ata os 5 millóns de euros. As subvencións para o fomento e a promoción de rodaxes audiovisuais en Galicia son unha das seis liñas de axuda convocadas ata o momento pola Xunta ao amparo do Hub Audiovisual da Industria Cultural, programa de apoio sen precedentes para o conxunto do sector que busca acelerar a recuperación e garantir a estabilidade dos profesionais desta industria en Galicia. Cóntase para tal fin cun orzamento de 9,6 millóns de euros durante o período 2021-2023 a través do Fondo Europeo de Desenvolvemento Rexional (FEDER) dentro do Eixo REACT-UE do Programa Operativo Feder Galicia 2014-2020, como parte da resposta da Unión Europea á pandemia da covid-19.





























