Dende a súa creación e como calquera outra productora que se encha de orgullo de si mesma, Ficción Producciones está en constante procura de boas historias, innovadores formatos e avances tecnolóxicos que definan a estratexia empresarial dos anos futuros. En todo este percorrido, Ficción Producciones levou a bo término moitos proxectos audiovisuais, centos de horas de televisión, longametraxes e producións CGI, entre outros traballos. Nos últimos anos ademais de contidos de ficción, a empresa dedicou un grande esforzo económico e profesional na área de animación considerando que Galicia pode xerar unha importante industria neste sector. Como exemplo deste impulso e desenvolvemento, Ficción Producciones estreou no ano 2014 “Meñique”, a primeira longametraxe de animación 3D Cuba-España, que supuxo un éxito rotundo no país cubano e conseguindo a nominación na edición dos Premios Goya 2015. Na actualidade, Ficción Producciones continúa inmersa na produción de grandes proxectos e procura constante de talento, coproducción e investimento. Un esforzo constante que leva a Ficción Producciones a desenvolver un considerable traballo que día a día dá os seus froitos.